سنن ابنِ ماجہ - حج کا بیان - حدیث نمبر 2914
حدیث نمبر: 2914
حَدَّثَنَا أَبُو مُصْعَبٍ، ‏‏‏‏‏‏حَدَّثَنَا مَالِكُ بْنُ أَنَسٍ، ‏‏‏‏‏‏عَنْ نَافِعٍ، ‏‏‏‏‏‏عَنْ ابْنِ عُمَرَ، ‏‏‏‏‏‏أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:‏‏‏‏ يُهِلُّ أَهْلُ الْمَدِينَةِ مِنْ ذِي الْحُلَيْفَةِ، ‏‏‏‏‏‏وَأَهْلُ الشَّامِ مِنْ الْجُحْفَةِ، ‏‏‏‏‏‏وَأَهْلُ نَجْدٍ مِنْ قَرْنٍ، ‏‏‏‏‏‏فَقَالَ عَبْدُ اللَّهِ:‏‏‏‏ أَمَّا هَذِهِ الثَّلَاثَةُ، ‏‏‏‏‏‏فَقَدْ سَمِعْتُهَا مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ، ‏‏‏‏‏‏وَبَلَغَنِي أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:‏‏‏‏ وَيُهِلُّ أَهْلُ الْيَمَنِ مِنْ يَلَمْلَمَ.
آفاقی کی میقات کا بیان۔
عبداللہ بن عمر ؓ کہتے ہیں کہ رسول اللہ ﷺ نے فرمایا: اہل مدینہ ذو الحلیفہ سے تلبیہ پکاریں اور احرام باندھیں، اہل شام جحفہ سے، اور اہل نجد قرن سے، عبداللہ بن عمر ؓ کہتے ہیں کہ رہیں یہ تینوں (میقاتیں) تو انہیں میں نے (براہ راست) رسول اللہ ﷺ سے سنا ہے، اور مجھے یہ اطلاع بھی ملی ہے کہ رسول اللہ ﷺ نے فرمایا: اہل یمن یلملم سے تلبیہ پکاریں، (اور احرام باندھیں) ١ ؎۔
تخریج دارالدعوہ: صحیح البخاری/العلم ٥٣ (١٣٣)، الحج ٥ (١٥٢٢)، ٨ (١٥٢٥، ١٠ (١٥٢٨)، صحیح مسلم/الحج ٢ (١١٨٢)، سنن ابی داود/الحج ٩ (١٧٣٧)، سنن النسائی/الحج ١٧ (٢٦٥٢)، (تحفة الأشراف: ٨٣٢٦)، وقد أخرجہ: موطا امام مالک/الحج ٨ (٢٢)، مسند احمد (٢/٤٨، ٥٥، ٦٥)، سنن الدارمی/المناسک ٥ (١٨٣١) (صحیح )
وضاحت: ١ ؎: میقات اس مقام کو کہتے ہیں جہاں سے حاجی یا معتمر کو احرام باندھنا اور تلبیہ پکارنا ضروری ہوتا ہے، البتہ حاجی یا معتمر مکہ میں یا میقات کے اندر رہ رہا ہو تو اس کے لیے گھر سے نکلتے وقت احرام باندھ لینا ہی کافی ہے میقات پر جانا ضروری نہیں۔ اور یلملم ایک پہاڑی ہے جو مکہ سے دو منزل پر ہے، برصغیر (ہندوستان، پاکستان، بنگلہ دیش) سے بحری جہاز سے آنے والے لوگ اس کے محاذا ۃ سے احرام باندھتے اور تلبیہ پکارتے ہیں۔
It was narrated from Ibn Umar that the Messenger of Allah ﷺ said: "The people of AI-Madinah should begin the Talbiyah from Dhul-Hulaifah, the people of Sham from Juhfah, and the people of Najd from Qarn." Abdullah said: As for these three, I heard them from the Messenger of Allah ﷺ . And it reached me that the Messenger of Allah ﷺ said: And the people of Yemen should enter lhram from Yalamlam.
Top