سنن ابنِ ماجہ - حج کا بیان - حدیث نمبر 3099
حدیث نمبر: 3099
حَدَّثَنَا مُحَمَّدُ بْنُ الصَّبَّاحِ، ‏‏‏‏‏‏أَنْبَأَنَا سُفْيَانُ بْنُ عُيَيْنَةَ، ‏‏‏‏‏‏عَنْ عَبْدِ الْكَرِيمِ، ‏‏‏‏‏‏عَنْ مُجَاهِدٍ، ‏‏‏‏‏‏عَنْ ابْنِ أَبِي لَيْلَى، ‏‏‏‏‏‏عَنْ عَلِيِّ بْنِ أَبِي طَالِبٍ، ‏‏‏‏‏‏قَالَ:‏‏‏‏ أَمَرَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ أَنْ أَقُومَ عَلَى بُدْنِهِ، ‏‏‏‏‏‏وَأَنْ أَقْسِمَ جِلَالَهَا، ‏‏‏‏‏‏وَجُلُودَهَا، ‏‏‏‏‏‏وَأَنْ لَا أُعْطِيَ الْجَازِرَ مِنْهَا شَيْئًا، ‏‏‏‏‏‏وَقَالَ:‏‏‏‏ نَحْنُ نُعْطِيهِ.
جو شخص قربانی کے جانوروں پر جھول ڈالے۔
علی بن ابی طالب ؓ کہتے ہیں کہ رسول اللہ ﷺ نے مجھے اپنے ہدی کے اونٹوں کی نگرانی کا حکم دیا، اور کہا کہ میں ان کی جھولیں اور ان کی کھالیں (غریبوں اور محتاجوں میں) بانٹ دوں، اور ان میں سے قصاب کو کچھ نہ دوں، آپ نے فرمایا: ہم اسے اجرت اپنے پاس سے دیں گے ١ ؎۔
تخریج دارالدعوہ: صحیح البخاری/الحج ١١٣ (١٧٠٧)، ١٢٠ (١٧١٦)، ١٢١ (١٧١٧)، صحیح مسلم/الحج ٦١ (١٣١٧)، سنن ابی داود/الحج ٢٠ (١٧٦٩)، (تحفة الأشراف: ١٠٢١٩)، وقد أخرجہ: مسند احمد (١/٢٩، ١٢٣، ١٣٢، ١٤٣، ١٥٤، ١٥٩)، سنن الدارمی/المناسک ٨٩ (١٩٨٣) (صحیح )
وضاحت: ١ ؎: قربانی کی کھال اور جھول اللہ کی راہ میں بانٹ دینا چاہیے، اور بعضوں نے کہا کہ اگر قربانی کرنے والا کھال کو اپنے گھر کے کام میں استعمال کرے جیسے بچھانے یا ڈول وغیرہ کے لیے تو بھی جائز ہے، لیکن قصاب کی اجرت میں کھال دینا کسی طرح جائز نہیں، مقصد یہ ہے کہ قربانی کے جانور کا ہر ایک جزء اللہ ہی کے واسطے رہے، اجرت میں دینا گویا اس کو بیچنا ہے۔
It was narrated that Ali bin Abu Talib said: "The Messenger of Allah ﷺ commanded me to look after his sacrificial camels, to share out their Covers and skins, and not to give the butcher any of it. He said: We will give him (his wages)."
Top