سنن ابنِ ماجہ - حدود کا بیان - حدیث نمبر 2535
حدیث نمبر: 2535
حَدَّثَنَا مُحَمَّدُ بْنُ الصَّبَّاحِ، ‏‏‏‏‏‏أَنْبَأَنَا سُفْيَانُ بْنُ عُيَيْنَةَ، ‏‏‏‏‏‏عَنْ أَيُّوبَ، ‏‏‏‏‏‏عَنْ عِكْرِمَةَ، ‏‏‏‏‏‏عَنِ ابْنِ عَبَّاسٍ، ‏‏‏‏‏‏قَالَ:‏‏‏‏ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:‏‏‏‏ مَنْ بَدَّلَ دِينَهُ فَاقْتُلُوهُ.
جو شخص اپنے دین سے پھر جائے
عبداللہ بن عباس ؓ کہتے ہیں کہ رسول اللہ ﷺ نے فرمایا: جو اپنے دین (اسلام) کو بدل ڈالے اسے قتل کر دو ١ ؎۔
تخریج دارالدعوہ: صحیح البخاری/الجہاد ١٤٩ (٣٠١٧)، المرتدین ٢ (٦٩٢٢)، سنن ابی داود/الحدود ١ (٤٣٥١)، سنن الترمذی/الحدود ٢٥ (١٤٥٨)، سنن النسائی/الحدود ١١ (٤٠٦٤)، (تحفة الأشراف: ٥٩٨٧)، وقد أخرجہ: مسند احمد (١/٢٨٢، ٢٨٣، ٣٢٣) (صحیح )
وضاحت: ١ ؎: ابوموسی اشعری ؓ کی حدیث صحیحین میں ہے کہ معاذ بن جبل ؓ یمن میں ان کے پاس گئے، وہاں ایک شخص بندھا ہوا تھا، انہوں نے پوچھا: یہ کون ہے؟ ابوموسی اشعری ؓ نے کہا: یہودی تھا پھر مسلمان ہوگیا، اب پھر یہودی ہوگیا، معاذ ؓ نے کہا: میں اس وقت تک نہیں بیٹھوں گا جب تک کہ اللہ اور اس کے رسول کے حکم کے مطابق اسے قتل نہ کردیا جائے، اور مرتد چاہے مرد ہو یا عورت واجب القتل ہے۔ امام ابوحنیفہ کہتے ہیں کہ عورت کو قتل نہیں کیا جائے گا، بلکہ اسے قید کریں گے، یہاں تک کہ دوبارہ دین اسلام میں داخل ہوجائے۔ اور فقہاء کا کہنا ہے کہ سب سے پہلے مرتد کے ان شبہات کا ازالہ کریں گے جو اس کو اسلام کے بارے میں لاحق ہے، اور تین دن تک قید میں رکھیں گے، اگر اس پر بھی مسلمان نہ ہو تو اس کو قتل کردیں گے۔
It was narrated from Ibn Abbas (RA) that the Messenger of Allah ﷺ said: "Whoever changes his religion, execute him."
Top