سنن ابنِ ماجہ - روزوں کا بیان - حدیث نمبر 1715
حدیث نمبر: 1715
حَدَّثَنَا هِشَامُ بْنُ عَمَّارٍ، ‏‏‏‏‏‏حَدَّثَنَا بَقِيَّةُ، ‏‏‏‏‏‏حَدَّثَنَا صَدَقَةُ بْنُ خَالِدٍ، ‏‏‏‏‏‏حَدَّثَنَا يَحْيَى بْنُ الْحَارِثِ الذَّمَارِيُّ، ‏‏‏‏‏‏قَالَ:‏‏‏‏ سَمِعْتُ أَبَا أَسْمَاءَ الرَّحَبِيَّ، ‏‏‏‏‏‏عَنْ ثَوْبَانَ مَوْلَى رَسُولِ اللَّهِ صَلَّى اللَّهُ عَلَيْهِ وَسَلَّمَ، ‏‏‏‏‏‏عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ أَنَّهُ قَالَ:‏‏‏‏ مَنْ صَامَ سِتَّةَ أَيَّامٍ بَعْدَ الْفِطْرِ، ‏‏‏‏‏‏كَانَ تَمَامَ السَّنَةِ، ‏‏‏‏‏‏مَنْ جَاءَ بِالْحَسَنَةِ، ‏‏‏‏‏‏فَلَهُ عَشْرُ أَمْثَالِهَا.
ماہ شوال میں چھ روزے
رسول اللہ ﷺ کے غلام ثوبان ؓ کہتے ہیں کہ نبی اکرم ﷺ نے فرمایا: جس نے عید الفطر کے بعد چھ روزے رکھے تو اس کو پورے سال کے روزے کا ثواب ملے گا اس لیے کہ اللہ تعالیٰ فرماتا ہے: من جاء بالحسنة فله عشر أمثالها یعنی جو ایک نیکی کرے گا اسے دس نیکیوں کا ثواب ملے گا ١ ؎۔
تخریج دارالدعوہ: تفرد بہ ابن ماجہ، (تحفة الأشراف: ٢١٠٧، ومصباح الزجاجة: ٦١٧)، وقد أخرجہ: مسند احمد (٥/٢٨٠)، سنن الدارمی/الصوم ٤٤ (١٧٩٦) (صحیح )
وضاحت: ١ ؎: تو رمضان کے تیس روزے اور ٦ عید کے کل ٣٦ ہوئے، دس سے ضرب دینے میں ٣٦٠ روزے ہوتے ہیں، اور سال کے اتنے ہی دن ہیں، پس گویا اس نے سال بھر روزے رکھے، سبحان اللہ حق تعالیٰ کی اپنے ناتواں بندوں پر کیا عنایت ہے، اب اختلاف ہے کہ یہ روزے عید کے بعد ہی رکھنا شروع کرے اور شوال کی سات تاریخ تک پورے کرلے، یا شوال کے مہینہ میں جب چاہے رکھ لے؟ مسلسل یا الگ الگ دن میں، ہر طرح جائز ہے، ہر حال میں سال بھر کے روزوں کا ثواب حاصل ہوجائے گا، ان شاء اللہ۔
It was narrated from Thawban, the freed slave of the Messenger of Allah ﷺ , that the Messenger of Allah ﷺ said: "Whoever fasts six days after the Fitr will have completed the year, for whoever does a good deed will have the reward of ten like it." (Sahih)
Top