سنن ابنِ ماجہ - نماز کا بیان - حدیث نمبر 672
حدیث نمبر: 672
حَدَّثَنَا مُحَمَّدُ بْنُ الصَّبَّاحِ، ‏‏‏‏‏‏أَنْبَأَنَا سُفْيَانُ بْنُ عُيَيْنَةَ، ‏‏‏‏‏‏عَنِ ابْنِ عَجْلَانَ، ‏‏‏‏‏‏سَمِعَ عَاصِمَ بْنَ عُمَرَ بْنِ قَتَادَةَ، ‏‏‏‏‏‏وَجَدُّهُ بَدْرِيٌّ يُخْبِرُ، ‏‏‏‏‏‏عَنْ مَحْمُودِ بْنِ لَبِيدٍ، ‏‏‏‏‏‏عَنْ رَافِعِ بْنِ خَدِيجٍ، ‏‏‏‏‏‏أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ:‏‏‏‏ أَصْبِحُوا بِالصُّبْحِ فَإِنَّهُ أَعْظَمُ لِلْأَجْرِ، ‏‏‏‏‏‏أَوْ لِأَجْرِكُمْ.
نماز فجر کا وقت
رافع بن خدیج ؓ سے روایت ہے کہ نبی اکرم ﷺ نے فرمایا: صبح کو اچھی طرح روشن کرلیا کرو، اس میں تم کو زیادہ ثواب ہے ۔
تخریج دارالدعوہ: سنن ابی داود/الطہارة ٨ (٤٢٤)، سنن الترمذی/الصلاة ٣ (١٥٤)، سنن النسائی/المواقیت ٢٦ (٥٤٩)، (تحفة الأشراف: ٣٥٨٢) وقد أخرجہ: مسند احمد (٣/٤٦٠، ٤٦٥، ٤/١٤٠، ١٤٢، ٥/٤٢٩)، سنن الدارمی/الصلاة ٢١ (١٢٥٣) (حسن صحیح )
وضاحت: ١ ؎: یعنی اتنا اجالا ہوجانے دو کہ طلوع فجر میں کوئی شک و شبہ باقی نہ رہے، یا یہ حکم ان چاندنی راتوں میں ہے جن میں طلوع فجر واضح نہیں ہوتا، شاہ ولی اللہ دہلوی (حجۃ اللہ البالغہ) میں لکھتے ہیں کہ یہ خطاب ان لوگوں کو ہے جنہیں جماعت میں کم لوگوں کی حاضری کا خدشہ ہو، یا ایسی بڑی مسجدوں کے لوگوں کو ہے جس میں کمزور اور بچے سبھی جمع ہوتے ہوں، یا اس حدیث کا مفہوم یہ ہے کہ فجر کی نماز خوب لمبی پڑھو، تاکہ ختم ہوتے ہوتے خوب اجالا ہوجائے، جیسا کہ ابوبرزہ ؓ کی روایت میں ہے کہ آپ فجر کی نماز پڑھ کر لوٹتے تو آدمی اپنے ہم نشیں کو پہنچان لیتا اس طرح اس میں اور غلس والی روایتوں میں کوئی تضاد و تعارض نہیں رہ جاتا ہے۔
It was narrated from Râfi’ bin Khadij that the Prophet ﷺ Said: “Pray the Subh early, for indeed its reward is greater” or “your reward.” (Sahih))
Top