سنن ابنِ ماجہ - وصیتوں کا بیان - حدیث نمبر 2699
حدیث نمبر: 2699
حَدَّثَنَا عَلِيُّ بْنُ مُحَمَّدٍ، ‏‏‏‏‏‏حَدَّثَنَا عَبْدُ اللَّهِ بْنُ نُمَيْرٍ، ‏‏‏‏‏‏عَنْ عُبَيْدِ اللَّهِ بْنِ عُمَرَ، ‏‏‏‏‏‏عَنْ نَافِعٍ، ‏‏‏‏‏‏عَنِ ابْنِ عُمَرَ، ‏‏‏‏‏‏قَالَ:‏‏‏‏ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:‏‏‏‏ مَا حَقُّ امْرِئٍ مُسْلِمٍ أَنْ يَبِيتَ لَيْلَتَيْنِ وَلَهُ شَيْءٌ يُوصِي فِيهِ إِلَّا وَوَصِيَّتُهُ مَكْتُوبَةٌ عِنْدَهُ.
وصیت کرنے کی ترغیب
عبداللہ بن عمر ؓ کہتے ہیں کہ رسول اللہ ﷺ نے فرمایا: جس مسلمان کے پاس وصیت کرنے کے قابل کوئی چیز ہو، اسے یہ حق نہیں ہے کہ وہ دو راتیں بھی اس حال میں گزارے کہ اس کی وصیت اس کے پاس لکھی ہوئی نہ ہو ١ ؎۔
تخریج دارالدعوہ: صحیح مسلم/الوصایا ١ (١٦٢٨)، سنن الترمذی/الجنائز ٥ (٩٧٤)، (تحفة الأ شراف: ٧٩٤٤)، وقد أخرجہ: صحیح البخاری/الوصایا ١ (٢٧٣٨)، سنن ابی داود/الوصایا ١ (٢٨٦٢)، سنن الترمذی/الوصایا ٣ (٢١١٩)، سنن النسائی/الوصایا ١ (٣٦٤٥) موطا امام مالک/الوصایا ١ (١)، مسند احمد (٢/٤، ١٠، ٣٤، ٥٠، ٥٧، ٨٠، ١١٣)، سنن الدارمی/الوصایا ١ (٣٢١٩) (صحیح )
وضاحت: ١ ؎: یعنی اس کے پاس مال ہو جس کے لئے وصیت کی ضرورت ہو یا کسی کی امانت ہو تو ضروری ہے کہ ہمیشہ وصیت لکھ کر یا لکھوا کر اپنے پاس رکھا کرے ایسا نہ ہو کہ موت آجائے اور وصیت کی مہلت نہ ملے، اور لوگوں کے حقوق اپنے ذمہ رہ جائیں۔
It was narrated from Ibn Umar that the Messenger of Allah ﷺ said: "The Muslim man has no right to spend two nights, if he has something for which a will should be made, without having a written will with him."
Top