معارف الحدیث - کتاب المعاملات والمعاشرت - حدیث نمبر 1388
عَنْ أَنَسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «أَكْرِمُوا أَوْلَادَكُمْ وَأَحْسِنُوا أَدَبَهُمْ» (رواه ابن ماجه)
حسنِ ادب اور دینی تربیت
حضرت انس ؓ سے روایت ہے کہ رسول اللہ ﷺ نے فرمایا کہ: اپنی اولاد کا اکرام کرو، اور (اچھی تربیت کے ذریعہ) ان کو حسنِ ادب سے آراستہ کرو۔ (سنن ابن ماجہ)

تشریح
اولاد کا اکرام یہ ہے کہ ان کو اللہ تعالیٰ کا عطیہ اور اس کی امانت سمجھ کر ان کی قدر اور ان کا لحاظ کیا جائے حسبِ استطاعت ان کی ضروریات حیات کا بندوبست کیا جائے۔ ان کو بوجھ اور مصیبت نہ سمجھا جائے۔
Top