معارف الحدیث - کتاب الصلوٰۃ - حدیث نمبر 496
عَنِ النُّعْمَانِ بْنِ بَشِيرٍ ، ‏‏‏‏‏‏قَالَ : ‏‏‏‏ أَنَا أَعْلَمُ بِوَقْتِ هَذِهِ الصَّلَاةِ صَلَاةِ الْعِشَاءِ الْآخِرَةِ ، ‏‏‏‏‏‏"كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُصَلِّيهَا لِسُقُوطِ الْقَمَرِ لِثَالِثَةٍ". (رواه ابو داؤد والدارمى)
وقت عشاء کے بارے میں
حضرت نعمان بن بشیر ؓ سے روایت ہے انہوں نے فرمایا کہ میں اس نماز عشاء کے وقت کو میں تم سب سے زیادہ جانےے والا ہوں، رسول اللہ ﷺ نماز عشاء اس وقت پڑھا کرتے تھے جس وقت مہینہ کی تیسری رات میں چاند غروب ہوا کرتا تھا۔ (سنن ابی داؤد، مسند دارمی)

تشریح
 تجربہ اور حساب سے معلوم ہوا ہے کہ تیسری رات کو چاند اکثر و بیشتر غروب آفتاب سے دو ڈھائی گھنٹے بعد غروب ہوتا ہے، اس حدیث سے معلوم ہوا کہ رسول اللہ ﷺ کا عام معمول اتنے ہی وقت نماز عشاء پڑھنے کا تھا۔
Top