آخر وقت نماز پڑھنے کے بارے میں
حضرت عائشہ صدیقہ ؓ سے روایت ہے کہ رسول اللہ ﷺ نے نے اپنی ساری عمر میں دو دفعہ بھی کوئی نماز اس کے آخری وقت میں نہیں پڑھی یہاں تک کہ اللہ نے آپ ﷺ کو اٹھا لیا۔
تشریح
حضرت عائشہ صدیقہ ؓ نے اپنے اس بیان مین دو دفعہ کی قید غالبا اس لیے لگائی ہے کہ ایک دفعہ ایک شخص کو ہر نماز کا اول و آخر وقت بتانے کے لیے آپ ﷺ نے ایک دن کی نمازیں آخر وقت میں بھی پڑھ کر دکھائی تھی۔ یہ واقعہ صحیح مسلم کے حوالے سے نمبر ۱۳ پر درج ہو چکا ہے۔ بہر حال اس بیان سے حضرت صدیقہ ؓ کا مقصد یہی ہے کہ نماز کو مؤخر کر کے آخری وقت میں پڑھنا حضور ﷺ کا طریقہ نہیں تھا۔