رسول اللہ ﷺ تہجد میں کتنی رکعتیں پڑھتے تھے
حضرت عائشہ صدیقہ ؓ سے روایت ہے کہ رسول اللہ ﷺ رات میں تیرہ رکعتیں پڑھتے تھے جن میں وتر اور سنت فجر کی دو رکعتیں بھی شامل ہوتی تھیں۔ (صحیح مسلم)
تشریح
اس حدیث میں حضرت عائشہ صدیقہ ؓ نے تہجد کی رکعات کے بارے میں رسول اللہ ﷺ کا جو معمول بتلایا ہے وہ آپ ﷺ کا اکثری معمول تھا ورنہ خود حضرت عائشہ صدیقہ ؓ ہی کی بعض دوسری روایات سے معلوم ہوتا ہے کہ کبھی کبھی آپ ﷺ اس سے بھی کم پڑھتے تھے۔