مشکوٰۃ المصابیح - اذان کا بیان - حدیث نمبر 696
وَعَنْ حَکِیْمِ بْنِ حِزَامٍ قَالَ نَھَی رَسُوْلُ اﷲِ صلی اللہ علیہ وسلم اَنْ یُسْتَقَادَ فِی الْمَسْجِدِ وَ اَنْ یُنْشَدَ فِیْہٖ الْاَشَعَارُوَاَنْ تُقَامَ فِیْہِ الْحُدُوْدُ۔ رَوَاہُ اَبُوْدَاؤدَ فِی سُننِہٖ وِصَاحِبُ جَامِعِ الْاُصُوْلِ فِیْہِ عَنْ حَکِیْمٍ وَفِی الْمَصَابِیْحِ عَنْ جَابِرٍ۔
مساجد اور نماز کے مقامات کا بیان
اور حضرت حکیم بن حزام ؓ فرماتے ہیں کہ سرور کائنات ﷺ نے مسجد میں قصاص لینے (یعنی قاتل کا خون بہانے) اور اشعار پڑھنے اور (زنا کرنے، شراب پینے وغیرہ کی) حدو دقائم کرنے سے منع فرمایا ہے۔ (سنن ابوداؤد) اور اس روایت کو صاحب جامع الاصول نے (اپنی کتاب) جامع الاصول میں حکیم سے (یعنی بغیر لفظ ابن حزام) روایت کیا ہے۔ نیز یہ روایت مصابیح میں جابر سے منقول ہے (اور یہ اصول میں موجود نہیں ہے)۔
Top