آنحضرت ﷺ کی علالت اور حضرت جبریل (علیہ السلام) کی دعا
حضرت ابوسعید خدری ؓ راوی ہیں کہ (ایک مرتبہ) حضرت جبرائیل (علیہ السلام) نبی کریم ﷺ کے پاس آئے اور (مزاج پرسی کے طور پر) کہا کہ اے محمد ﷺ کیا آپ علیل ہیں؟ آپ ﷺ نے فرمایا کہ ہاں حضرت جبرائیل (علیہ السلام) نے کہا اللہ کے نام پر آپ ﷺ پر افسوں پڑھتا ہوں۔ ہر اس چیز سے جو آپ ﷺ کو اذیت پہنچائے اور ہر شخص کی برائی یا حاسد کی آنکھ سے اللہ آپ ﷺ کو شفاء دے اللہ کے نام سے آپ پر افسوں پڑھتا ہوں (مسلم)