مشکوٰۃ المصابیح - نماز قصر سے متعلقہ احادیث - 1306
عَنْ اَنَسٍ ص اَنَّ رَسُوْلَ اللّٰہِ صلی اللہ علیہ وسلمصَلَّی الظُّھْرَ بِا لْمَدِ یْنَۃِ اَرْبَعًا وَّ صَلَّی الْعَصْرَ بِذِی الْحُلَیْفَۃِ رَکْعَتَیْنِ ( صحیح البخاری و صحیح مسلم)
" حضرت انس (رض) فرماتے ہیں رسول اللہ (صلی اللہ علیہ وآلہ وسلم) نے مدینہ میں ظہر کی نماز چار رکعت پڑھی اور ذی الحلیفہ میں عصر کی نماز دو رکعت پڑھی۔ " (صحیح البخاری و صحیح مسلم)

تشریح
اس حدیث میں رسول اللہ (صلی اللہ علیہ وآلہ وسلم) کے سفر کا حال بیان کیا گیا ہے کہ رسول اللہ (صلی اللہ علیہ وآلہ وسلم) نے جب حج کے لئے مکہ کے سفر کا ارادہ فرمایا تو مدینہ میں ظہر کی نماز چار رکعت پڑھی پھر جب مدینہ سے نکلے اور ذوالحلیفہ پہنچے۔ تو وہاں قصر فرمایا اور عصر کی نماز دو رکعت پڑھی ذوالحلیفہ ایک جگہ کا نام ہے جو مدینہ منورہ سے تین کوس کے فاصلے پر واقع ہے۔ حضرت امام اعظم ابوحنیفہ اور حضرت امام شافعی کا بھی یہی مسلک ہے کہ جب مسافر شرعی اپنے شہر یا گاؤں کے مکانات سے باہر نکل جائے تو قصر نماز پڑھنے لگے۔
Top