مشکوٰۃ المصابیح - نفقات اور لونڈی غلام کے حقوق کا بیان - حدیث نمبر 3378
وعن أبي بردة عن أبيه أن النبي صلى ا لله عليه وسلم قال : إن في جهنم لواديا يقال له : هبهب يسكنه كل جبار رواه الدارمي
دوزخ کا ہبہب نالہ :
اور حضرت ابوبردہ (رح) (تابعی) اپنے والد ( حضرت ابوموسیٰ اشعری) سے نقل کرتے ہیں کہ نبی کریم ﷺ نے فرمایا دوزخ میں ایک نالا ہے جس کا نام ہبہب ہے اس نالہ میں ہر اس شخص کو رکھا جائے گا جو متکبر و سرکش حق سے دور مخلوق پر سختی کرنے والا ہے۔ (دارمی)

تشریح
ہبہب کے اصل معنی تیزی وجلدی کے ہیں اور مذکورہ نالہ کو ہبہب کا نام اسی مناسبت سے دیا گیا ہے کہ ایک تو اس نالہ میں بھڑکنے والی آگ سے بہت تیز شعلے اٹھتے ہیں دوسرے یہ کہ نالہ میں ڈالے جانے والے گنہگاروں کو عذاب بڑی سرعت کے ساتھ ہوگا۔
Top