حضور ﷺ عرش الہٰی کے دائیں جانب کھڑے ہوں گے۔ :
اور حضرت ابوہریرہ ؓ کریم ﷺ سے روایت کرتے ہیں کہ آپ ﷺ نے فرمایا (قیامت کے دن) مجھے جنت کے جوڑوں میں سے ایک جوڑا پہناجائے گا اور پھر میں عرش کے دائیں جانب کھڑا ہوں گا، جہاں میرے سوا مخلوق میں سے کوئی اور کھڑا نہیں ہوگا۔ اور جامع الاصول کی روایت میں، جو حضرت ابوہریرہ ؓ ہی سے منقول ہے، یوں ہے کہ (آپ ﷺ نے فرمایا) سب سے پہلے میری قبر شق ہوگی اور میں باہر آؤں گا، پھر جنتی جوڑا پہنایا جائے گا الخ۔