اپنے رفقاء سفر کے ساتھ آنحضرت ﷺ کا معمول
اور حضرت جابر کہتے ہیں کہ رسول کریم ﷺ (سفر کے دوران) چلتے وقت (تواضع و انکسار کی وجہ سے اور دوسروں کی مدد وخبر گیری کے پیش نظر قافلے سے) پیچھے رہا کرتے تھے چناچہ آپ ﷺ کمزور (کی سواری) کو ہانکا کرتے (تاکہ وہ ہمراہیوں کے ساتھ مل جائے) اور جو کمزور و ضعیف شخص سواری سے محروم ہونے کی وجہ سے پیدل چلتا ہو اس کو پیچھے سوار کرلیتے اور ان (قافلہ والوں) کے لئے دعا کرتے رہتے۔ (ابو داؤد)