حج یا عمرہ یا ان دونوں کا احرام باندھنے والے پر خشکی کا شکار کرنے کی حرمت کے بیان میں
یحییٰ بن یحیی، مالک، ابن شہاب، عبیداللہ بن عبداللہ، ابن عباس، حضرت صعب بن جثامہ ؓ سے روایت ہے کہ انہوں نے رسول اللہ ﷺ کو ابوآ یا ودان[ ودان میں د مشدد ہے ] کے مقام پر ایک جنگلی گدھا ہدیہ پیش کیا تو رسول اللہ ﷺ نے اس گدھے کو اسی پر واپس لوٹا دیا حضرت صعب کہتے ہیں کہ جب رسول اللہ ﷺ نے مجھے دیکھا کہ میرے چہرے میں کچھ غم سا ہے تو آپ ﷺ نے فرمایا کہ میں نے تجھے یہ گدھا واپس نہیں کیا سوائے اس کے کہ ہم احرام کی حالت میں ہیں۔