اس بات کے بیان میں کہ احرام اور غیر احرام والے کے لئے حرم اور غیر حرم میں جن جانوروں کا قتل مستحب ہے۔
احمد بن یونس، زہیر، حضرت زید بن جبیر ؓ بیان کرتے ہیں کہ ایک آدمی نے حضرت ابن عمر ؓ سے پوچھا کہ احرام والا کن جانوروں کو قتل کرسکتا ہے؟ حضرت ابن عمر ؓ نے فرمایا کہ رسول اللہ ﷺ کی ازواج مطہرات میں سے کسی نے مجھے خبر دی کہ آپ ﷺ نے حکم فرمایا یا فرمایا کہ احرام والے کو حکم دیا گیا کہ وہ چوہے اور بچھو اور چیل اور کاٹنے والے کتے اور کوے کو قتل کر دے۔