رمضان کے مہینے میں عمرہ کرنے کی فضیلت کے بیان میں
احمد بن عبدہ ضبی، یزید یعنی ابن زریع، حبیب معلم، عطاء، حضرت ابن عباس ؓ سے روایت ہے کہ نبی ﷺ نے انصار کی ایک عورت جسے ام سنان ؓ کہا جاتا ہے فرمایا کہ تجھے کس نے منع کیا کہ تو ہمارے ساتھ حج کرے وہ عرض کرنے لگی کہ ہمارے دو اونٹ تھے ان اونٹوں میں سے ایک پر میرا خاوند اور اس کا بیٹا حج کرنے کے لئے گیا ہوا ہے اور دوسرا اونٹ جس پر ہمارا غلام پانی لاتا ہے آپ ﷺ نے فرمایا کہ رمضان کے مہینے میں عمرہ کرنا حج کے برابر ہے یا آپ ﷺ نے فرمایا کہ میرے ساتھ حج کرنے کے برابر ہے۔