مکہ مکرمہ میں جب داخلہ ہو تو ذی طوی میں رات گزارنے اور غسل کرنے اور دن کے وقت مکہ مکرمہ میں داخل ہونے کے استحباب میں
زہیر بن حرب، عبیداللہ بن سعید، یحیی، قطان، عبیداللہ، نافع، حضرت ابن عمر ؓ سے روایت ہے کہ رسول اللہ ﷺ نے ذی طوٰی میں رات گزاری یہاں تک کہ صبح ہوگئی پھر آپ ﷺ مکہ مکرمہ میں داخل ہوئے راوی کہتے ہیں کہ حضرت عبداللہ ؓ بھی اسی طرح کیا کرتے تھے اور ابن سعید کی روایت میں ہے کہ آپ ﷺ نے رات گزاری یہاں تک کہ آپ ﷺ نے صبح کی نماز پڑھی یحییٰ نے کہا یہاں تک کہ صبح ہوگئی۔