شدید مجبوری کی حالت میں قربانی کے اونٹ پر سوار ہونے کے جواز کے بیان میں
یحییٰ بن یحیی، مالک، ابی زناد، اعرج، حضرت ابوہریرہ ؓ سے روایت ہے کہ رسول اللہ ﷺ نے ایک آدمی کو دیکھا کہ وہ قربانی کے اونٹ کو پیچھے سے ہانکتا ہوا لے کر جا رہا ہے آپ ﷺ نے اس سے فرمایا سوار ہوجا اس نے عرض کیا اے اللہ کے رسول! یہ قربانی کا اونٹ ہے آپ ﷺ نے فرمایا سوار ہوجا اور آپ ﷺ نے دوسری یا تیسری مرتبہ فرمایا تجھ میں خرابی ہو سوار ہوجا