طواف وداع کے وجوب اور حائضہ عورت سے طواف معاف ہونے کے بیان میں
قتیبہ بن سعید، لیث، محمد بن رمح، لیث، ابن شہاب، ابی سلمہ، عروہ، حضرت عائشہ ؓ اور حضرت عروہ ؓ سے روایت ہے کہ حضرت عائشہ ؓ فرماتی ہیں کہ حضرت صفیہ بنت حیی ؓ طواف افاضہ کرنے کے بعد حائضہ ہوگئیں حضرت عائشہ ؓ فرماتی ہیں کہ میں نے ان کے حیض کا ذکر رسول اللہ ﷺ سے کیا تو رسول اللہ ﷺ نے فرمایا کہ وہ ہمیں روک رکھیں گی حضرت عائشہ ؓ فرماتی ہیں کہ میں نے عرض کیا اے اللہ کے رسول وہ طواف افاضہ کرچکی تھیں طواف افاضہ کے بعد پھر حائضہ ہوئیں تو رسول اللہ ﷺ نے فرمایا تو پھر چلیں۔