حاجی اور غیر حاجی کے لئے کعبة اللہ میں داخلے اور اس میں نماز پڑھنے کے استحباب کے بیان میں
یحییٰ بن یحیی، مالک، نافع، حضرت ابن عمر ؓ سے روایت ہے کہ رسول اللہ ﷺ کعبہ اللہ میں داخل ہوئے اور آپ ﷺ کے ساتھ حضرت اسامہ ؓ اور حضرت بلال ؓ اور حضرت عثمان بن طلحہ ؓ بھی تھے اور کعبہ کا دروازہ آپ ﷺ پر بند ہوگیا پھر آپ ﷺ دیر تک اندر رہے حضرت ابن عمر ؓ فرماتے ہیں کہ حضرت بلال ؓ جس وقت باہر نکلے تو میں نے ان سے پوچھا کہ رسول اللہ ﷺ نے اندر کیا کیا؟ حضرت بلال ؓ نے فرمایا کہ آپ ﷺ نے دو ستونوں کو اپنے بائیں طرف اور ایک ستون کو اپنے دائیں طرف اور تین ستونوں کو اپنے پیچھے کیا اور بیت اللہ کے اس وقت چھ ستون تھے پھر آپ ﷺ نے نماز پڑھی۔