حاجی اور غیر حاجی کے لئے کعبة اللہ میں داخلے اور اس میں نماز پڑھنے کے استحباب کے بیان میں
زہیر بن حرب، یحییٰ قطان، ابوبکر بن ابی شیبہ، ابواسامہ، ابن نمیر، عبدہ، عبیداللہ، نافع، حضرت ابن عمر ؓ فرماتے ہیں کہ جب رسول اللہ ﷺ بیت اللہ میں داخل ہوئے اور آپ ﷺ کے ساتھ حضرت اسامہ حضرت بلال اور حضرت عثمان ؓ بھی تھے پھر ان پر دروازہ بند ہوگیا پھر کافی دیر بعد دروازہ کھلا تو سب سے پہلے میں داخل ہوا تو میری ملاقات حضرت بلال سے ہوئی تو میں نے کہا کہ رسول اللہ ﷺ نے کہاں نماز پڑھی انہوں نے کہا کہ اپنے سامنے والے دو ستونوں کے درمیان تو میں حضرت بلال ؓ سے یہ پوچھنا بھول گیا ہوں کہ رسول اللہ ﷺ نے کتنی رکعتیں پڑھی ہیں؟