عورت کو محرم کے ساتھ حج وغیرہ کا سفر کرنے کے بیان میں
قتیبہ بن سعید، عثمان بن ابی شیبہ، جریر، قتیبہ، جریر، عبدالملک، ابن عمیر، حضرت قزعہ کہتے ہیں کہ میں نے حضرت ابوسعید خدری ؓ سے ایک حدیث سنی جو کہ مجھے بہت اچھی لگی چناچہ میں نے ان سے کہا کہ کیا یہ حدیث رسول اللہ ﷺ سے آپ نے خود سنی ہے؟ انہوں نے کہا کہ میں رسول اللہ ﷺ پر پس پردہ وہ بات کیسے کہہ سکتا ہوں جس کو میں نے آپ ﷺ سے نہ سنا ہو راوی کہتے ہیں کہ میں نے ان سے سنا وہ فرماتے ہیں کہ رسول اللہ ﷺ نے فرمایا کہ تم سامان سفر نہ باندھو سوائے تین مسجدوں کی طرف میری یہ مسجد (مسجد نبوی) مسجد حرام، مسجد اقصی اور میں نے آپ ﷺ سے یہ بھی سنا ہے آپ ﷺ فرماتے ہیں کہ کوئی عورت دو دن کا سفر نہ کرے سوائے اس کے کہ اس کا کوئی محرم یا اس کا خاوند اس کے ساتھ ہو۔