مکہ اور مدینہ کی مسجدوں میں نماز پڑھنے کی فضیلت کے بیان میں
محمد بن مثنی، ابن ابی عمر، عبدالوہاب، حضرت یحییٰ بن سعید ؓ فرماتے ہیں کہ میں نے ابوصالح سے پوچھا کہ کیا تو نے حضرت ابوہریرہ ؓ سے سنا ہے کہ حضرت ابوہریرہ ؓ رسول اللہ ﷺ کی مسجد میں نماز پڑھنے کی فضیلت کا ذکر کرتے تھے؟ تو انہوں نے کہا کہ نہیں لیکن حضرت عبداللہ بن ابراہیم بن قارظ نے مجھ خبر دی ہے کہ انہوں نے حضرت ابوہریرہ ؓ سے سنا وہ بیان کرتے ہیں رسول اللہ ﷺ نے فرمایا کہ میری اس مسجد میں نماز پڑھنا ہزار نمازیں پڑھنے سے بہتر ہے یا فرمایا کہ ایک نماز میری اس مسجد میں بہتر ہے ہزار نمازوں سے جو اور مسجدوں میں ادا ہوں سوائے مسجد حرام کے۔