منی عورت سے نکلنے پر غسل کے وجوب کے بیان میں
زہیر بن حرب، عمر بن یونس، عکرمہ بن عمار، اسحاق بن ابی طلحہ، انس بن مالک ؓ روایت ہے کہ اسحاق کی دادی حضرت ام سلیم ؓ رسول اللہ ﷺ کے پاس آئیں اس نے آپ ﷺ سے سیدہ عائشہ ؓ کی موجودگی میں عرض کیا یا رسول اللہ ﷺ عورت اگر خواب میں وہ دیکھے جو مرد دیکھتا ہے اور اپنے جسم پر وہ دیکھے جو مرد دیکھتا ہے تو وہ کیا کرے تو سیدہ عائشہ صدیقہ ؓ نے فرمایا اے ام سلیم تم نے عورتوں کو رسوا کردیا تیرے ہاتھ خاک آلود ہوں رسول اللہ ﷺ نے عائشہ ؓ سے فرمایا بلکہ تیرے ہاتھ خاک آلود ہوں اے ام سلیم جب عورت اس طرح دیکھے تو اس کو غسل کرنا چاہئے۔