حائضہ پر روزے کی قضا واجب ہے نہ کہ نماز کی کے بیان میں
عبد بن حمید، عبدالرزاق، معمر، عاصم، معاذہ ؓ سے روایت ہے کہ وہ فرماتی ہیں کہ میں نے حضرت عائشہ ؓ سے پوچھا کیا وجہ ہے کہ حائضہ روزوں کی قضا کرتی ہے اور نماز کی قضا نہیں کرتی تو آپ نے فرمایا کیا تو حروریہ ہے میں نے کہا میں تو حروریہ نہیں ہوں بلکہ جاننا چاہتی ہوں تو آپ ؓ نے فرمایا ہمیں حیض آتا تو ہمیں روزوں کی قضا کا حکم دیا جاتا اور نماز کی قضا کا حکم نہیں دیا جاتا تھا۔