مسلمانوں کے نجس نہ ہونے کی دلیل کے بیان میں
زہیر بن حرب، یحیی، ابن سعید، حمید، ابوبکر بن ابی شیبہ، اسماعیل بن علیہ، حمید طویل، ابورافع، ابوہریرہ ؓ روایت ہے کہ وہ نبی کریم ﷺ سے مدینہ کے راستوں میں سے کسی راستہ پر جنبی حالت میں ملے تو آپ ﷺ خاموشی سے غسل کرنے چلے گئے نبی کریم ﷺ نے ان کو موجود نہ پایا جب وہ آپ ﷺ کے پاس آئے تو آپ ﷺ نے فرمایا اے ابوہریرہ تو کہاں تھا عرض کی یا رسول اللہ ﷺ جب آپ مجھے ملے تو میں جنبی تھا میں نے پسند نہ کیا کہ آپ ﷺ کی مجلس میں اس طرح بیٹھوں یہاں تک کہ میں نے غسل کیا تو رسول اللہ ﷺ نے فرمایا سُبْحَانَ اللَّهِ بیشک مومن نجس نہیں ہوتا۔