سحری کھانے کی فضیلت اور اس کی تاکید اور آخری وقت تک کھانے کے استحباب کے بیان میں
ابوکریب، ابن ابی زائدہ، اعمش، عمارہ، حضرت ابوعطیہ ؓ سے روایت ہے انہوں نے فرمایا کہ میں اور حضرت مسروق ؓ حضرت عائشہ صدیقہ ؓ کی خدمت میں حاضر ہوئے تو آپ سے حضرت مسروق ؓ نے عرض کیا کہ محمد ﷺ کے ساتھیوں میں سے دو آدمی ایسے ہیں جو بھلائی کے بارے میں کمی نہیں کرتے ان میں سے ایک مغرب کی نماز اور افطاری میں جلدی کرتا ہے دوسرا مغرب کی نماز اور افطاری میں تاخیر کرتا ہے تو حضرت عائشہ ؓ نے فرمایا کہ مغرب کی نماز اور افطاری میں کون جلدی کرتا ہے؟ مسروق ؓ نے عرض کیا کہ حضرت عبداللہ تو حضرت عائشہ ؓ نے فرمایا کہ رسول اللہ بھی اسی طرح کیا کرتے تھے۔