جانور کو باندھ کر مارنے کی ممانعت کے بیان میں
زہیر بن حرب، ہشیم، ابوبشر، حضرت سعید بن جبیر ؓ سے روایت ہے کہ حضرت ابن عمر ؓ چند قریشی نوجوانوں کے پاس سے گزرے کہ وہ ایک پرندہ کو شکار بنا کر اسے تیر مار رہے تھے اور انہوں نے پرندے کے مالک سے یہ طے کر رکھا تھا کہ جو تیر نشانہ پر نہ لگے اس کو وہ لے لے تو جب ان نوجوانوں نے حضرت ابن عمر ؓ کو دیکھا تو وہ علیحدہ علیحدہ ہوگئے حضرت ابن عمر ؓ نے فرمایا یہ کس نے کیا ہے؟ جو اس طرح کرے اس پر اللہ نے لعنت فرمائی ہے اور رسول اللہ ﷺ نے بھی ایسے آدمی پر لعنت فرمائی ہے کہ کسی جاندار کو نشانہ بنائے۔