نبی کریم ﷺ کے مہر نبوت کے ثبوت کے بیان میں
قتیبہ بن سعید، محمد بن عباد حاتم ابن اسماعیل جعد بن عبدالرحمن، حضرت سائب بن یزید ؓ فرماتے ہیں کہ میری خالہ مجھے رسول اللہ ﷺ کی خدمت میں لے گئیں اور عرض کرنے لگیں اے اللہ کے رسول ﷺ میرا یہ بھانجا بیمار ہے تو آپ ﷺ نے میرے سر پر اپنا ہاتھ پھیرا اور میرے لئے برکت کی دعا فرمائی پھر آپ ﷺ نے وضو فرمایا اور میں نے آپ کے وضو کا بچا ہوا پانی پی لیا پھر میں آپ ﷺ کی پشت مبارک کے پیچھے کھڑا ہوا تو میں نے آپ ﷺ کے دونوں کندھوں کے درمیان مہر نبوت دیکھی جو کہ مسہری کی گھنڈیوں جیسی تھی۔