حضرت عیسیٰ کے فضائل کے بیان میں
محمد بن رافع عبدالرزاق، معمر، ہمام بن منبہ، حضرت ابوہریرہ ؓ روایت ہے کہ رسول اللہ ﷺ نے فرمایا حضرت عیسیٰ (علیہ السلام) نے ایک آدمی کو دیکھا کہ وہ چوری کر رہا ہے حضرت عیسیٰ (علیہ السلام) نے اس آدمی سے فرمایا تو چوری کرتا ہے؟ اس آدمی نے کہا ہرگز نہیں اور قسم ہے اس ذات کی کہ جس کے سوا کوئی معبود نہیں حضرت عیسیٰ (علیہ السلام) نے فرمایا میں اللہ پر ایمان لایا اور میں نے اپنے نفس کو جھٹلایا۔