حضرت عمر ؓ کے فضائل کے بیان میں
محمد بن عبداللہ بن نمیر، سفیان، عمرو بن منکدر جابر، زہیر بن حرب، سفیان بن عیینہ، ابن منکدر عمرو، حضرت جابر ؓ سے روایت ہے کہ نبی ﷺ نے فرمایا میں جنت میں داخل ہوا تو میں نے جنت میں ایک گھر یا ایک محل دیکھا، میں نے پوچھا کہ یہ محل کس کا ہے؟ (وہاں موجود حاضرین) نے کہاں یہ محل حضرت عمر ؓ کا ہے، میں نے چاہا کہ میں اس میں داخل ہوجائیں، مگر (اے عمر ؓ! ) مجھے تیری غیرت کا خیال آگیا، حضرت عمر ؓ (یہ سن کر) رو پڑے اور عرض کیا اے اللہ کے رسول! ﷺ کیا میں آپ کے داخل ہونے پر غیرت کرتا؟