ام المومنین سیدہ خدیجہ ؓ کے فضائل کے بیان میں
سہل بن عثمان حفص بن عیاث ہشام بن عروہ سیدہ عائشہ ؓ سے روایت ہے کہ میں نے نبی ﷺ کی ازواج مطہرات میں سے کسی پر رشک نہیں کیا سوائے حضرت خدیجہ ؓ کے اور میں نے حضرت خدیجہ ؓ کو نہیں پایا سیدہ عائشہ ؓ فرماتی ہیں کہ رسول اللہ ﷺ جب بکری ذبح کرتے تھے تو آپ ﷺ فرماتے کہ اس کا گوشت حضرت خدیجہ ؓ کی سہیلیوں کو بھیج دو سیدہ عائشہ ؓ فرماتی ہیں کہ میں ایک دن غصہ میں آگئی اور میں نے کہا خدیجہ خدیجہ ہی ہو رہی ہے تو رسول اللہ ﷺ نے فرمایا حضرت خدیجہ ؓ کی محبت مجھے عطا کی گئی ہے۔