جاندار کی تصویر بنانے کی حرمت اور فرشتوں کا اس گھر میں داخل نہ ہونا جس گھر میں کتا اور تصویر وہ کا بیان میں۔
ہارون بن معروف، ابن وہب، عمرو بن حارث، بکیر عبدالرحمن بن قاسم، حضرت عائشہ ؓ نبی ﷺ کی زوجہ مطہرہ سے روایت ہے کہ انہوں نے ایک پردہ لٹکایا ہوا تھا جس میں تصویریں بنی ہوئی تھیں رسول اللہ ﷺ تشریف لائے تو آپ نے اس پردہ کو اتار دیا حضرت عائشہ ؓ فرماتی ہیں کہ میں نے اس پردے کو کاٹ کردو تکیے بنا لئے اسی وقت مجلس میں سے ایک آدمی جسے ربیعہ بن عطاء کہا جاتا ہے جو کہ مولیٰ بنی زہرہ ہیں کہنے لگا کیا تو نے ابومحمد سے نہیں سنا وہ بیان کرتے تھے کہ حضرت عائشہ ؓ فرماتی ہیں کہ رسول اللہ ﷺ ان تکیوں پر آرام فرماتے تھے ابن قاسم نے کہا نہیں! لیکن میں نے قاسم بن محمد سے سنا ہے۔