حضرت عبدالرحمن بن عوف ؓ کی مرویات
عبداللہ بن عامر کہتے ہیں کہ ایک مرتبہ ہم لوگ مکہ مکرمہ جا رہے تھے، آدھی رات کو حضرت عمر ؓ کے کانوں میں ابن مطرف جو اونٹوں کا حدی خوان تھا، کی آواز پڑی، حضرت عمر ؓ نے اپنی سواری کو بٹھایا اور لوگوں میں داخل ہوگئے، وہاں حضرت عبدالرحمن بھی موجود تھے، جب طلوع فجر ہوگئی تو حضرت عمر ؓ نے اس سے فرمایا اب بس کرو، اب خاموش ہوجاؤ کیونکہ طلوع فجر ہوچکی، اب اللہ کا ذکر کرو۔ پھر حضرت عمر فاروق ؓ کی نگاہ حضرت عبدالرحمن بن عوف کے موزوں پر پڑی تو فرمایا کہ آپ نے موزے پہن رکھے ہیں؟ انہوں نے کہا کہ یہ تو میں نے اس ہستی کی موجودگی میں بھی پہنے ہیں جو آپ سے بہتر تھی، حضرت عمر ؓ نے فرمایا میں آپ کو قسم دیتا ہوں کہ ان موزوں کو اتار دیجئے، اس لئے کہ مجھے خطرہ ہے کہ اگر لوگوں نے آپ کو دیکھ لیا تو وہ آپ کی پیروی کرنے لگیں گے۔ گذشتہ حدیث اس دوسری سند سے بھی مروی ہے۔