حضرت خولہ بنت حکیم کی حدیثیں
یحنس کہتے ہیں جب حضرت امیر حمزہ مدینہ منورہ تشریف لائے تو انہوں نے بنو نجار کی خاتون خولہ بنت قیس سے خولہ نبی کی احادیث بیان کرتی تھیں وہ کہتی ہیں کہ ایک مرتبہ نبی ہمارے یہاں تشریف لائے تو میں نے عرض کیا یا رسول اللہ! مجھے معلوم ہوا کہ آپ فرماتے ہیں قیامت کے دن آپ کا ایک حوض ہوگا جس کی مسافت فلاں علاقے سے فلاں علاقے تک ہوگی؟ نبی نے فرمایا یہ بات صحیح ہے اور اس سے سیراب ہونے والوں میں میرے نزدیک سب سے زیادہ محبوب تمہاری قوم ہوگی۔ حضرت خولہ مزید کہتی ہیں کہ پھر میں نبی کی خدمت میں ایک ہنڈیا لے کر حاضر ہوئی، جس میں خبزہ یا حریرہ تھا، نبی نے کھانا تناول فرمانے کے لئے ہنڈیا میں ہاتھ ڈالا تو اس کے گرم ہونے کی وجہ سے نبی کی انگلیاں جل گئیں اور نبی کے منہ سے " حس " نکلا، پھر فرمایا اگر ابن آدم کو ٹھنڈک کا احساس ہوتا ہے تب بھی " حس " کہتا ہے اور اگر گرمی کا احساس ہوتا ہے تب بھی " حس " کہتا ہے۔