حضرت عبداللہ بن عمر ؓ کی مرویات
عبداللہ بن شریک عامری (رح) کہتے ہیں کہ حضرت ابن عمر ؓ، ابن عباس اور ابن زبیر ؓ سے کسی نے حج تمتع میں حج سے پہلے عمرہ کرنے کے متعلق پوچھا میں نے ان حضرات کو یہ جواب دیتے ہوئے سنا کہ ہاں! یہ نبی کریم ﷺ کی سنت ہے تم مکہ مکرمہ پہنچ کر بیت اللہ کا طواف کرو صفا مروہ کے درمیان سعی کرو اور حلال ہوجاؤ اگر یہ کام یوم عرفہ سے ایک دن پہلے ہوا ہو تو حج کا احرام باندھ لو اس طرح تمہارا حج اور عمرہ اکٹھا ہوجائے گا۔