حضرت طلق بن علی کی حدیثیں۔
حضرت طلق بن علی سے مروی ہے کہ ایک مرتبہ ہم لوگ وفد کی صورت میں نبی ﷺ کی خدمت میں حاضر ہوئے واپسی کے وقت نبی ﷺ نے مجھے حکم دیا تو میں آپ کے پاس پانی کا برتن لے کر آیا نبی ﷺ نے اس میں سے پانی پیا اور تین مرتبہ اسی پانی میں کلی کی پھر اس برتن کا منہ باندھ دیا اور فرمایا اس برتن کو لے جاؤ اور اس کا پانی اپنی قوم کی مسجد میں چھڑک دینا اور انہیں حکم دینا کہ اپنا سربلند رکھیں اور اللہ نے انہیں رفعت عطا فرمائی ہے میں نے عرض کیا کہ ہمارے اور آپ کے درمیان کافی طویل فاصلہ ہے اس برتن کا پانی ہمارے علاقے تک پہنچتے پہنچتے خشک ہوجائے گا نبی ﷺ نے فرمایا جب خشک ہونے لگے تو اس میں مزید پانی ملا لینا۔