حضرت علی بن شیبان کی حدیثیں۔
حضرت علی بن شیبان سے مروی ہے کہ ایک مرتبہ وہ کسی وفد کے ساتھ نبی ﷺ کی خدمت میں حاضر ہوئے ہم نے نبی ﷺ کے پیچھے نماز پڑھی نبی ﷺ نے کن انکھیوں سے دیکھا تو ایک آدمی نے رکوع و سجود میں اپنی کمر کو سیدھا نہیں کیا تھا نماز سے فارغ ہو کر نبی ﷺ نے فرمایا اے مسلمانوں کی جماعت اس شخص کی نماز نہیں ہوتی جس نے رکوع اور سجود کے درمیان اپنی پشت کو سیدھی نہیں کیا۔ اور نبی ﷺ نے ایک آدمی کو دیکھا جو اکیلا صف کے پیچھے کھڑا نماز پڑھ رہا تھا نبی ﷺ اسے دیکھ کر رک گئے جب وہ نماز سے فارغ ہوا تو نبی ﷺ نے فرمایا دوبارہ نماز پڑھو کیونکہ صف کے پیچھے تنہا کھڑے ہونے والے کی نماز نہیں ہوتی۔