حضرت انس بن مالک ؓ کی مرویات
حضرت انس ؓ سے مروی ہے کہ نبی ﷺ کے پاس ایک آدمی کو لایا گیا جس نے شراب پی تھی، نبی ﷺ نے اسے تقریباً چالیس مرتبہ دو ٹہنیوں سے مارا، حضرت ابوبکر صدیق ؓ نے بھی ایسا ہی کیا لیکن جب حضرت عمر فاروق ؓ کا دور خلافت آیا تو حضرت عمر ؓ نے اس کے متعلق مشورہ کیا، حضرت عبدالرحمن بن عوف ؓ نے یہ رائے دی کہ سب سے کم درجے کی حد اسی کوڑے ہے، چناچہ حضرت عمر ؓ نے شراب نوشی کی سزا اسی کوڑے مقرر کردی۔