حضرت جابر انصاری کی مرویات۔
حضرت جابر ؓ سے مروی ہے ہم لوگ ذی الحجہ کی چار تاریخ کو گزرنے کے بعد نبی ﷺ کے ساتھ مدینہ منورہ سے حج کا احرام باندھ کر روانہ ہوئے نبی ﷺ نے ہمیں حکم دیا کہ ہم اسے عمرہ کا احرام بنالیں اس پر ہمارے دل کچھ بوجھل ہوئے اور یہ بات ہمیں بری محسوس ہوئی نبی ﷺ کو معلوم ہوا تو فرمایا کہ لوگو احرام کھول کر حلال ہوجاؤ اگر میں اپنے ساتھ ہدی کا جانور نہ لایا ہوتا تو یہی کرتا جو تم کرو گے چناچہ ہم نے ایساہی کیا حتی کہ ہم نے اپنی عورتوں سے بھی وہی کیا جو غیر محرم کرسکتا ہے یہاں تک کہ جب آٹھ ذی الحجہ کی شام یا دن ہوا تو ہم نے مکہ مکرمہ کو اپنی پشت پر رکھا اور حج کا تلبیہ پڑھ کر روانہ ہوئے۔ گذشتہ حدیث دوسری سند سے بھی مروی ہے۔