حضرت عثمان غنی ؓ کے حالات سے متعلق احادیث
ابو وائل کہتے ہیں کہ میں نے ایک مرتبہ حضرت عبدالرحمن بن عوف ؓ سے پوچھا کہ آپ لوگوں نے حضرت علی ؓ کو چھوڑ کر حضرت عثمان ؓ کی بیعت کس طرح کرلی؟ انہوں نے فرمایا اس میں میرا کیا جرم ہے، میں نے تو پہلے حضرت علی ؓ سے کہا تھا کہ میں آپ سے بیعت کرتا ہوں کتاب اللہ، سنت پیغمبر ﷺ اور سیرۃ حضرات شیخین ؓ پر، انہوں نے مجھ سے کہا کہ حسب استطاعت ایسا کرنے کی کوشش کروں گا لیکن جب میں نے حضرت عثمان ؓ کو اس کی پیشکش کی تو انہوں نے اسے قبول کرلیا۔