حضرت عبداللہ بن عمر ؓ کی مرویات
زید بن اسلم نقل کرتے ہیں کہ ایک مرتبہ میں حضرت ابن عمر ؓ کے ساتھ عبداللہ بن مطیع کے یہاں گیا اس نے حضرت ابن عمر ؓ کو خوش آمدید کہا اور لوگوں کو حکم دیا کہ انہیں تکیہ پیش کرو حضرت ابن عمر ؓ نے فرمایا کہ میں بیٹھنے کے لئے نہیں آیا بلکہ آپ کو ایک حدیث سنانے آیا ہوں جو میں نے نبی کریم ﷺ سے سنی ہے میں نے نبی کریم ﷺ کو یہ فرماتے ہوئے سنا ہے کہ جو شخص صحیح حکمران وقت کی اطاعت سے ہاتھ کھینچتا ہے۔ قیامت کے دن اس کی کوئی حجت قبول نہ ہوگی اور جو شخص " جماعت " کو چھوڑ کر مرگیا تو وہ جاہلیت کی موت مرا۔