حضرت عبادہ بن صامت ؓ کی مرویات
حضرت ابو امامہ باہلی ؓ کہتے ہیں کہ میں نے سورت انفال کے متعلق حضرت عبادہ ؓ سے پوچھا تو انہوں نے فرمایا کہ یہ سورت ہم اصحاب بدر کے متعلق نازل ہوئی تھی جبکہ مال غنیمت کی تقسیم میں ہمارے درمیان اختلاف رائے ہوگیا تھا اور اس حوالے سے ہمارا رویہ مناسب نہ تھا چناچہ اللہ نے اسے ہمارے درمیان سے کھینچ لیا اور اسے تقسیم کرنے کا اختیار نبی کریم ﷺ کو دے دیا اور نبی کریم ﷺ نے اسے مسلمانوں میں برابر برابر تقسیم کردیا۔