سنن النسائی - رات دن کے نوافل کے متعلق احادیث - حدیث نمبر 1717
أَخْبَرَنَا مُحَمَّدُ بْنُ إِسْمَاعِيلَ بْنِ إِبْرَاهِيمَ، ‏‏‏‏‏‏عَنْ يَزِيدَ، ‏‏‏‏‏‏قال:‏‏‏‏ حَدَّثَنَا سُفْيَانُ بْنُ الْحُسَيْنِ، ‏‏‏‏‏‏عَنِ الْحَكَمِ، ‏‏‏‏‏‏عَنْ مِقْسَمٍ، ‏‏‏‏‏‏قال:‏‏‏‏ الْوِتْرُ سَبْعٌ فَلَا أَقَلَّ مِنْ خَمْسٍفَذَكَرْتُ ذَلِكَ لِإِبْرَاهِيمَ،‏‏‏‏ فَقَالَ:‏‏‏‏ عَمَّنْ ذَكَرَهُ ؟ قُلْتُ:‏‏‏‏ لَا أَدْرِي قَالَ الْحَكَمُ:‏‏‏‏ فَحَجَجْتُ فَلَقِيتُ مِقْسَمًا،‏‏‏‏ فَقُلْتُ لَهُ:‏‏‏‏ عَمَّنْ ؟ قَالَ:‏‏‏‏ عَنِ الثِّقَةِ، ‏‏‏‏‏‏عَنْ عَائِشَةَ، ‏‏‏‏‏‏وَعَنْ مَيْمُونَةَ.
پانچ رکعات وتر پڑھنے کا طریقہ اور حکم کے متعلق وتر کی حدیث میں راویوں کے اختلاف کا بیان
سفیان بن الحسین حکم سے روایت کرتے ہیں، اور وہ مقسم سے، مقسم کہتے ہیں کہ وتر سات رکعت ہے اور پانچ سے کم نہیں، میں نے یہ بات ابراہیم سے ذکر کی، تو انہوں نے کہا: انہوں نے اسے کس کے واسطہ سے ذکر کیا ہے؟ تو میں نے کہا: مجھے نہیں معلوم، حکم کہتے ہیں: پھر میں حج کو گیا تو میں نے مقسم سے ملاقات کی، اور ان سے پوچھا کہ یہ بات آپ نے کس سے سنی ہے؟ تو انہوں نے کہا: ایک ثقہ شخص سے ١ ؎، اور اس نے عائشہ ؓ اور میمونہ ؓ سے سنی ہے۔
تخریج دارالدعوہ: تفرد بہ النسائي، (تحفة الأشراف: ١٧٨١٨)، مسند احمد ٦/٣٣٥ (صحیح) (سابقہ حدیث سے تقویت پاکر یہ حدیث صحیح ہے )
وضاحت: ١ ؎: غالباً ثقہ شخص سے مراد ابن عباس ؓ ہیں کیونکہ مقسم برابر انہیں سے چمٹے رہتے تھے، اور انہوں نے ولاء کی نسبت بھی انہیں کی طرف کی ہے، یا عن عائشہ وعن میمونہ عن الثقۃ سے بدل ہے ایسی صورت میں ترجمہ ہوگا ثقہ سے سنی ہے یعنی عائشہ اور میمونہ سے سنی ہے۔
قال الشيخ الألباني: صحيح لغيره
صحيح وضعيف سنن النسائي الألباني: حديث نمبر 1716
Sufyan bin Al-Husain narrated from Al-Hakam that Miqsam said: "Witr is seven and no less than five." I mentioned that to Ibrahim and he said: "From whom did he quote that?" I said: "I do not know." Al-Hakam said: "Then I performed Hajj and I met Miqsam and said to him: From whom (did you narrate that)? He said: From the trustworthy one, from Aishah and from Maimunah."
Top