سنن النسائی - نماز شروع کرنے سے متعلق احادیث - حدیث نمبر 1026
أَخْبَرَنَا قُتَيْبَةُ، ‏‏‏‏‏‏قال:‏‏‏‏ حَدَّثَنَا سُفْيَانُ، ‏‏‏‏‏‏عَنِ الزُّهْرِيِّ، ‏‏‏‏‏‏عَنْ سَالِمٍ، ‏‏‏‏‏‏عَنْ أَبِيهِ، ‏‏‏‏‏‏قال:‏‏‏‏ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَإِذَا افْتَتَحَ الصَّلَاةَ يَرْفَعُ يَدَيْهِ حَتَّى يُحَاذِيَ مَنْكِبَيْهِ وَإِذَا رَكَعَ وَإِذَا رَفَعَ رَأْسَهُ مِنَ الرُّكُوعِ.
دونوں مونڈھوں تک ہاتھ اٹھانے سے متعلق
عبداللہ بن عمر ؓ کہتے ہیں کہ میں نے رسول اللہ کو دیکھا کہ جب آپ نماز شروع کرتے تو اپنے دونوں ہاتھ اٹھاتے، یہاں تک کہ آپ انہیں اپنے مونڈھوں کے بالمقابل لے جاتے ١ ؎، اور جب رکوع کرتے، اور جب رکوع سے سر اٹھاتے تو بھی ایسا ہی کرتے۔
تخریج دارالدعوہ: صحیح مسلم/الصلاة ٩ (٣٩٠)، سنن ابی داود/الصلاة ١١٦ (٧٢١)، سنن الترمذی/الصلاة ٧٦ (٢٥٥)، سنن ابن ماجہ/إقامة ١٥ (٨٥٨)، (تحفة الأشراف: ٦٨١٦)، موطا امام مالک/الصلاة ٤ (١٦)، ویأتي عند المؤلف برقم: ١١٤٥ (صحیح )
وضاحت: ١ ؎: ان دونوں روایتوں سے پتہ چلتا ہے کہ اس میں توسّع ہے کہ کبھی آپ دونوں ہاتھ کانوں کے اطراف تک اٹھاتے اور کبھی مونڈھوں کے بالمقابل لے جاتے، اور بعض نے دونوں میں تطبیق اس طرح سے دی ہے کہ ہاتھوں کی ہتھیلیاں تو مونڈھوں کے بالمقابل رکھتے، اور انگلیوں کے سرے کانوں کے بالمقابل رکھتے۔
قال الشيخ الألباني: صحيح
صحيح وضعيف سنن النسائي الألباني: حديث نمبر 1025
It was narrated from Salim that: His father said: "I saw the Messenger of Allah (صلی اللہ علیہ وسلم) when he started to pray, raise his hands until they were parallel to his shoulders, (and he did that) when he bowed and when he raised his head from bowing".
Top