سنن النسائی - نکاح سے متعلقہ احادیث - حدیث نمبر 3275
أَخْبَرَنَا عَمْرُو بْنُ عَلِيٍّ، ‏‏‏‏‏‏عَنْ مُحَمَّدِ بْنِ سَوَاءٍ، ‏‏‏‏‏‏قَالَ:‏‏‏‏ حَدَّثَنَا سَعِيدٌ، ‏‏‏‏‏‏عَنْ قَتَادَةَ،‏‏‏‏ وَيَعْلَى بْنُ حَكِيمٍ،‏‏‏‏ عَنْ عِكْرِمَةَ، ‏‏‏‏‏‏عَنْ ابْنِ عَبَّاسٍ، ‏‏‏‏‏‏قَالَ:‏‏‏‏ تَزَوَّجَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَيْمُونَةَ بِنْتَ الْحَارِثِ وَهُوَ مُحْرِمٌ،‏‏‏‏ وَفِي حَدِيثِ يَعْلَى بِسَرِفَ.
احرام کی حالت میں نکاح کی اجازت
عبداللہ بن عباس رضی الله عنہما کہتے ہیں کہ رسول اللہ ﷺ نے میمونہ بنت حارث ؓ سے اس وقت شادی کی جب کہ آپ احرام باندھے ہوئے تھے ١ ؎، اور یعلیٰ (راوی) کی حدیث میں سرف کا بھی ذکر ہے ٢ ؎۔
تخریج دارالدعوہ: تفرد بہ النسائي (تحفة الأشراف: ٦٢٠٠)، مسند احمد (١/٣٣٦) (شاذ )
وضاحت: ١ ؎: حالت احرام میں نکاح حرام ہے، محرم نہ تو اپنا نکاح کرسکتا ہے، نہ ہی کسی دوسرے کا نکاح کرا سکتا ہے، اس حدیث میں آپ ﷺ کے متعلق جو یہ خبر دی جا رہی ہے کہ آپ نے میمونہ رضی الله عنہا سے حالت احرام میں شادی کی ہے درحقیقت اس سلسلہ میں راوی ابن عباس رضی الله عنہما کو وہم ہوگیا ہے۔ کیونکہ آپ ﷺ کا میمونہ رضی الله عنہا سے بحالت حلال نکاح کرنے کی روایت متعدد طرق سے مختلف راویوں سے مروی ہے، جب کہ حالت احرام والی روایت تنہا ابن عباس رضی الله عنہما سے مروی ہے، اور کسی تنہا آدمی کا وہم میں مبتلا ہوجانا پوری ایک جماعت کے بالمقابل زیادہ آسان ہے۔ ( واللہ اعلم ) ٢ ؎: سرف ایک جگہ کا نام ہے جہاں رسول اللہ ﷺ نے میمونہ رضی الله عنہا سے شادی کی تھی۔
قال الشيخ الألباني: شاذ
صحيح وضعيف سنن النسائي الألباني: حديث نمبر 3271
It was narrated that Ibn Abbas said: "The Messenger of Allah married Maimunah bint Al-Harith when he was a Muhrim." According to the Hadith of Yala (one of the narrators): "In Sarif.
Top