IntroSurah Introduction

آسان قرآن

Aasan Quran · 2. Al-Baqara · Ayah 225

  1. لَا یُؤَاخِذُكُمُ اللّٰهُ بِاللَّغْوِ فِیْۤ اَیْمَانِكُمْ وَ لٰكِنْ یُّؤَاخِذُكُمْ بِمَا كَسَبَتْ قُلُوْبُكُمْ١ؕ وَ اللّٰهُ غَفُوْرٌ حَلِیْمٌ﴿225﴾

    1. لَا يُؤَاخِذُكُمُنہیں پکڑتا تمہیں
    2. اللّٰهُاللہ
    3. بِاللَّغْوِلغو (بیہودہ)
    4. فِيْٓمیں
    5. اَيْمَانِكُمْقسمیں تمہاری
    6. وَلٰكِنْاور لیکن
    7. يُّؤَاخِذُكُمْپکڑتا ہے تمہیں
    8. بِمَاپر۔ جو
    9. كَسَبَتْکمایا
    10. قُلُوْبُكُمْدل تمہارے
    11. وَاللّٰهُاور اللہ
    12. غَفُوْرٌبخشنے والا
    13. حَلِيْمٌبردبار
Translation · Aasan Quran
اور اللہ تمہاری لغو قسموں پر تمہاری گرفت نہیں کرے گا (147) البتہ جو قسمیں تم نے اپنے دلوں کے ارادے سے کھائی ہوں گی ان پر گرفت کرے گا۔ اور اللہ بہت بخشنے والا، بڑا بردبار ہے۔
Tafseer · Aasan Quran

147: لغو قسم سے مراد تو وہ قسم ہے جو قسم کھانے کے ارادے سے نہیں بلکہ تکیہ کلام کے طور سے زبان پر آجائے، خاص طور پر عربوں میں اس کا بہت رواج تھا کہ بات بات میں وہ واللہ کہہ دیتے تھے، اسی طرح بعض اوقات انسان ماضی کے کسی واقعے پر قسم کے ارادے ہی سے قسم کھاتا ہے، لیکن اس کے اپنے خیال کے مطابق وہ قسم صحیح نہیں ہوتی ہے، جھوٹ بولنے کا ارداہ نہیں ہوتا، لیکن بعد میں پتہ چلتا ہے کہ جو بات قسم کھاکر کہی تھی وہ حقیقت میں صحیح نہیں تھی، ان دونوں طرح کی قسموں کو لغو کہا جاتا ہے، اس آیت نے بتایا کہ اس پر گناہ نہیں ہوتا، البتہ انسان کو چاہیے کہ وہ قسم کھانے میں احتیاط سے کام لے اور ایسی قسم سے بھی پرہیز کرے۔